home           da nus           actualitads          portatuns       contact   

portret

Contas bugen? Lu neu era ti el chor viril lumnezia!

Il chor viril lumnezia

 

Il Chor viril Lumnezia ei vegnius fundaus 1938. Il niev chor ha tgirau vinavon l’ierta musicala dils anteriurs chors da vallada Ligia da Porclas (Lumnezia-su) fundada 1867 e dalla Ligia dil Glogn (Suraua) ch’era seseparada 1900 dalla Ligia da Porclas.

El decuors da sia historia ha il Chor viril Lumnezia tgirau cun gust e perseveronza la canzun tradiziunala romontscha ed interpretau oriundamein cunzun ovras da cumponists romontschs. Denton era ovras da cumponists da renum internaziunal figureschan regularmein sil program da concert da quei grond chor viril da vallada. El decuors dils davos decennis ha il chor denton era adina puspei ughegiau d’interpretar ovras pretensiusas da cumponists contemporans ed ei s’aviarts era per la litteratura musicala dad autras culturas. Ils concerts annuals e la participaziun a fiastas da cant districtualas, cantunalas e federalas fuorman ils puncts culminonts dall’activitad musicala dil chor.

Repetidamein ha il Chor viril Lumnezia era concertau ensemen cun chors e formaziuns muscialas dils vitgs dils quals el retrai ina gronda part da sia substanza musicala. Sco bien ambassadur dil lungatg e dalla cultura romontscha ha il Chor viril Lumnezia adina puspei giu la cuida da representar il Grischun e la Romontschia ad arranschaments  cantunals e naziunals.

Igl onn 2013 ha il chor astgau festivar siu giubileum da 75 onns. A caschun da quei giubileum ei il chor sepresentaus culla premaudiziun da l’ovra „Canzuns lumnezianas“, in ciclus cumponius aposta pil chor giubilont dil cumponist indigen Gion Antoni Derungs cuort avon sia mort.

Il Chor viril Lumnezia ha registrau la platta fonografica „Lumnezia sonora“ (1973) ed ils discs cumpacts „Ei catscha gis“ (1997) en cooperaziun cul Chor facultativ dalla Scola secundara Lumnezia e „Viers mesanotg/Nordlichter“ (2008) ch’ei vegnius realisaus ensemen cul cantus firmus surselva. Sco dun da giubileum ha il Chor viril Lumnezia realisau igl onn 2013 ensemen cun Radiotelevisiun Svizra Rumantscha RTR il disc dubel „75 onns Chor viril Lumnezia“ che dat in tagl dètg representativ atraviers la historia musicala dil chor.

Dau tempra musicala al Chor viril Lumnezia han cunzun ils dirigents  Murezi Elvedi (1938-1945), Gion Giusep Derungs (1945-1974), Armin Caduff (1974-1977), Marcus Zarn (1977-2004) e Clau Scherrer (2004-2015). Cugl onn da cant 2015/2016 ha Retus Giger surpriu la bitgetta.

Il Chor viril Lumnezia ha gidau a far punts enteifer ils vitgs lumnezians e ha promoviu essenzialmein schientscha ed identitad lumneziana. El decuors da sia historia ei il Chor viril Lumnezia  denton buca daventaus mo in prominent portavusch dalla Val Lumnezia, anzi era  in bien ambassadur da lungatg e cultura romontscha lunsch sur sias scheinas romontschas e grischunas ora.

Ils cantadurs

Tenor 1

 

  • Blumenthal Ursicin Morissen
  • Bundi Clau Cumbel
  • Caduff Franz Morissen
  • Carigiet Dumeni Morissen
  • Casanova Giusep Lumbrein
  • Cavegn Alain Vella
  • Caviezel Andreas Pitasch
  • Collenberg Reto Cumbel
  • Collenberg Silvio Cumbel
  • Derungs Alexi Uors
  • Deplazes Arno Duvin
  • Solèr Daniel Morissen
  • Tenz Augustin Glion

Tenor 2

 

  • Albin Andreas Tersnaus
  • Arpagaus Maurus Uors
  • Blumenthal Daniel Vella
  • Blumenthal Victor Mustér
  • Bundi Pius Cumbel
  • Caduff Giachen-Philipp Vattiz
  • Caduff Michel Degen
  • Caduff Paul Morissen
  • Caduff Walter Schluein
  • Camenisch Alexi Morissen
  • Camenisch Hugo, Glion
  • Camenisch Leo Lumbrein
  • Capaul Tarzisi Lumbrein
  • Derungs Otto Castrisch
  • Derungs Gian Reto Cumbel
  • Nay Alexi Vella
  • Riedi Silvio Flond
  • Solèr Curdin Surin
  • Tönz Robert Sagogn
  • Wellinger Clemens Schluein

Bass 1

 

  • Blumenthal Emil Vattiz
  • Bonolini Eros Schluein
  • Cabalzar Alfred Cumbel
  • Caduff Conradin Cumbel
  • Caduff Rest-Martin Morissen
  • Caduff Roman Morissen
  • Caduff Toni Vattiz
  • Caduff Ueli Morissen
  • Camenisch Duri Glion
  • Camenisch Otmar Vella
  • Capaul Leo Lumbrein
  • Capeder Norbert Vella
  • Casanova Giachen  Bonaduz
  • Casanova Giachen-Gieri Glion
  • Casaulta Curdin Lumbrein
  • Caviezel Claudio Vella
  • Derungs Mario Vella
  • Gabriel Beat Vrin
  • Lechmann Marco Vella
  • Monsch Peter Glion
  • Sgier Giusep Tersnaus

Bass 2

 

  • Albin Fridolin Tersnaus
  • Arquisch Simon Lumbrein
  • Blumenthal Giachen Glion
  • Blumenthal Rico Morissen
  • Bruder Hermann Vella
  • Cabalzar Martin Cumbel
  • Casanova Enrico Vattiz
  • Cavegn Marcus Vella
  • Casanova Werner Vella
  • Caviezel Flurin Castrisch
  • Derungs Guido Uors
  • Heisch Remo Cumbel
  • Lechmann Sandro Vella
  • Schmuki Christian Degen
  • Studer Lorenz Castrisch
  • Tomaschett Linus Surcasti

Il dirigent

Retus Giger ei il dirigent dil Chor viril Lumnezia   Retus Giger da Surrein succeda a Clau Scherrer sco dirigent dil Chor viril Lumnezia. El lavura dapi igl october 2014 sco caucasa dil Da casa Lumnezia.   Sper il chor viril Lumnezia diregia Retus Giger il chor mischedau da Surrein e la formaziun virila Ensemble deCanto. Plinavon eis el cantadur el Cantus firmus, dirigius digl anteriur dirigent dil Chor viril Lumnezia, Clau Scherrer.   Da 2003 tochen 2016 ha Retus tgamunau l'uniun cantunala da cant.
Retus Giger, dirigent Via Plazzas 9 • 7173 Surrein 079 508 99 55 retusgiger@bluewin.ch

Il vice-dirigent

Conradin Caduff, vice-dirigent

Lischeinas 2F• 7142 Cumbel

conradin@cuschnaus.ch

 

Gidonters

Alexi Nay, Curdin Casaulta, Norbert Capeder